10 ფილმი ემპათიისა და თანაგრძნობის შესახებ
- Kety Zhvania-Tyson
- May 30, 2021
- 3 min read
როგორც დაგპირდით, მაისის თვეში ემოციური გონიერების განვითარების შესახებ გაგიზიარებდით სხვადასხვა ტიპის ინფორმაციას და რესურსებს. ბოლო წლინახევრის პანდემიამ პირადად მე კიდევ ერთხელ ჩამაფიქრა რამდენად მნიშვნელოვანია დღეს ემპათიის უნარის განვითარებაზე საუბარი - ადამიანური თანაგრძნობა, თანაგანცდა, ემოციური მხარდაჭერა, ზრუნვა აუცილებელია ჩვენთვის, როგორც საზოგადოებისათის. სწორედ ამიტომ, მინდა გაგიზიაროთ 10 არაჩვეულებრივი ფილმი, რომელშიც ემპათიისა და მიმღებლობის თემაა გახსნილი ძალიან ემოციური, ძლიერი ისტორიების მეშვეობით. დარწმუნებული ვარ, ზოგი ნანახი გაქვთ და გიყვართ, ზოგიც კი სრულიად ახალი და მოულოდნელი იქნება თქვენთვის.
ნამდვილ ამბავზე დაფუძნებული ისტორია მოგვითხრობს სიკვდილმისჯილი მამაკაცის ამბავს, რომელიც ლუიზიანაში მცხოვრებ მონაზონ ჰელენს სწერს წერილს და სთხოვს შეხვედრას. ფილმი ამ ორი ადამიანის ურთიერთობაზეა. ამ როლის შესრულებისათვის სიუზან სარანდონმა ოსკარი დაიმსახურა. თუ გსურთ, გადახედეთ განთქმული კინოკირიტკოსის, როჯერ ებერტის რეცენზიას.
ეს არის ორი ადამიანის ისტორია, მოწყენილი რვა წლის მერი დინკლსი ავსრალიაში, მელბურნის გარეუბანში ცხოვრობს. მაქვს ჰოროვიცი კი 44 წლის მარტოხელა ებრაელია და ხმაურიანი ნიუ-იორკის ქაოსში ცხოვრობს. მიუხედავად ასაკის სხვაობისა და სხვადასხვა კონტინენტზე ცხოვრებისა, მერის და მაქსს უცნაური მეგობრობა აკავშირებთ.
შთამბეჭდავი საგა შავკანიანი ლიდერის მალკოლმ იქსის, მე-20 საუკუნის ერთ-ერთი გამორჩეული პიროვნების ცხოვრების მნიშვნელოვან ფრაგმენტებს. ვისაც სწრაფმოქმედებიანი ფილმები გიყვართ, შეიძლება ცოტა დაიძაბოთ, იმდენად ნელა ვიტარდება სიუჟეტი, მაგრამ სწორედ ამაშია მისი სიძლიერე. მთავარ როლში არაჩვეულებრივი მსახიობი - დენზელ ვაშინგტონია.
ეჭვი მეპარება, რომ ეს ფილმი ნანახი გქონდეთ უმეტესობას. მე თავად ემპათიის თემაზე როცა ვაგროვებდი მასალას, მაშინ აღმოვაჩინე. ეს არის რეალური და საწუხარო ამბავი მეცხრამეტე საუკუნეში მცხოვრები ადამიანის - ჯონ მერიკის ისტორიის შესახებ, რომელსაც სხეულის საშინელი დეფორმაცია სტანჯავდა. ფილში მსახიობთა არაჩვეულებრივი დასი მონაწილეობს და დარწმუნებული ვარ ბევრ რამეზე დაგაფიქრებთ.
ესპანელი რამონ სანპედროს რეალური ისტორია, რომელიც სრულიად პარალიზებული იყო და იბრძოდა ევთანაზიის (საკუთარი ნებით სიცოცხლის შეწყვეტა) უფლებისათვის. მას მთელი ეს წლები ორი ქალი ეხმარებოდა - ჯულია, მისი ადვიკატი და როზა, რომელიც ცდილობს მის დარწმუნებას, რომ მიუხედავად ყველაფრისა, სიცოცხლე ღირს იმად რომ ვიცხოვროთ.
სერ ლოურენს ოლივერი ფილმს იღებს ლონდონში. კინორეჟისურის ფაკულტეტის სტუდენტი, კოლინ კლარკი ცდილობს ჩაერთოს გადაღების პროცესში და აქ ხვდება მერლინ მონროს. ფილმში განთქმული მსახიობის ფაქტიურად „კულისებს მიღმა“ ცხოვრებაა ნაჩვენები ფილმზე „პრინცი და მოცეკვავე“ გადაღების დროს. Movie Review
ფილმი, რომელსაც მე და როკი ტრადიციულად ყოველ შობაზე ვუყურებთ ხოლმე ☺ და მიუხედავად ამისა, ყოველ ჯერზე იგივე ემოციებს ბადებს, რაც პირველი ნახვისას. საკუთარი ცხოვრებით უკმაყოფილო ჯორჯ ბეილისი წარმოთქვავს ფრაზას „ნეტავ არასოდეს დავბადებულიყავიო.“ სპეციალურად მისთვის ჩამოსული ანგელოზი ეხმარება გააცნობიეროს როგორი იქნებოდა ჯორჯის ახლობლებისა და მეგობრების ცხოვრება, ის რომ არ ყოფილიყო ამქვეყნად.
ნახეთ ეს თბილი ფილმი და თქვენც მადლიერებით გადახედეთ თქვენს ცხოვრებას!!!
ამ დრამატულ კომედიაში რობინ უილიამსი შეიარაღებული ძალების რადიო სადგურის წამყვანი რეპორტიორის, ცინიკოსი, კომედიანტი ადრიან კრონაუერის როლს თამაშობს. რობინ უილიამს განსაკუთრებული ადგილი უჭირავს ჩემს გულში, მისი ცხოვრება, შემოქმედება და ტრაგიკული დასასრული სხვადასხვა ფორმით პოულობს ხოლმე ადგილს ჩემს საგანმანათლებლო პროგრამებში. ნახეთ ეს ფილმი, მჯერა, რომ დაგაფიქრებთ. და თუ მოგიხერხდებათ, აი ეს რეცენზიაც წაიკითხეთ
2. მაღლა - Up
78 წლის მოხუცი კარლი, რომელიც მთელი ცხოვრება მსოფლიოს გარშემო მოგზაურობაზე ოცნებობდა, 8 წლის რასელთან ერთად თავგადასავლებით სავსე, საოცარ მოგზაურობაში გაემგზავრება.
1. მანდარინები
ეს ფილმი პირველად ჩემი კოლეგის, ლატვიელი ტრენერის რჩევით ვნახე. მახსოვს ჩემი რთული, ხანდახან ურთიერთგამომრიცხავი ემოციები... ფილმის სიუჟეტი აფხაზეთის ომის ფონზე მიმდინარეობს, და მოგვითხრობს აფხაზეთში მცხოვრებ ესტონელებზე. ომის დროს ესტონეთის ხელისუფლებამ იმ მცხოვრები თანამემამულეების ევაკუაცია მოახდინა, მაგრამ რამდენიმე თავისი სურვილით დარჩა აფხაზეთში. ფილმში აღწერილია ერთ-ერთი ესტონელის სახლში მოხვედრილი დაჭრილი ქართველი და ჩეჩენი ჯარისკაცების ურთიერთობა.
コメント